कर्णाली प्रदेश सरकारले प्रदेश लोकसेवा आयोगको सचिवमा सहसचिव रामबहादुर कुरुम्वाङलाई पदस्थापना गर्ने निर्णय गरेको छ । कुरुवाङले यसअघि बर्दिया, बाँके र दाङ लगायतका जिल्लाहरूमा प्रमुख जिल्ला अधिकारी, अख्तियार दुरुपयोग अनुसन्धान आयोगमा बसेर काम गरिसकेका उनी केही अघि सरुवा भएर कर्णाली प्रदेशमा पुगेका थिए । उपसचिव हुँदा समेत उनले दर्जनौं जिल्लाको कमाण्ड गरेका थिए ।
बिज्ञापन
यस्तै कर्णाली प्रदेश सरकारको प्रवक्ताको जिम्मेवारी उद्योग, पर्यटन, वन तथा वातावरणमन्त्री कल्याणी खड्काले पाएकी छन् । रुकुमपश्चिमबाट निर्वाचित खड्का मन्त्री हुनुअघि कर्णाली प्रदेशसभा प्रदेश मामिला समितिको सभापति थिइन् ।
बिज्ञापन
यस्तै मन्त्रिपरिषद् बैठकले इलाका प्रहरी कार्यालय राकम, दैलेखको अधुरो भवनका लागि १ करोड ६ लाख ५० हजार अख्तियारी माग गरेको छ । साथै प्रदेशसभा सदस्यलाई नियमानुसार स्वकीय सचिव सुविधा उपलब्ध गराउन प्रदेश सभालाई लेखी पठाउने निर्णय पनि प्रदेश सरकारको बुधबार बसेको मन्त्रिपरिषद् बैठकले निर्णय गरेको छ ।
दलित समुदायको सशक्तीकरण र जीवनस्तर प्रवर्द्धन ऐन, २०८१ को पहिलो संशोधन विधेयक प्रदेश सभामा पेस गर्न स्वीकृति प्रदान गर्ने निर्णय पनि बैठकले गरेको छ ।
